Stop Over

Naglalakad na ako pasulong

Mag-isa, walang tumutulong

Ayaw ko na kasi na maghintay pa

Wala rin namang mangyayaring maganda.

Ngunit sa paghakbang ay tinawag nya ang pangalan ko

Isinigaw, at ako'y napahinto

Hindi ko na halos maaninag ang kanyang mukha

Masyado nang malaki, aming distansya.

"Hintayin mo ako dyan, at babalikan kita"

Marahan nyang sinambit yaong mga salita

Huminto ako at nangako sa kanya

Maghihintay ako, abutin man ng sakuna.

Gumagabi na ay wala pa rin sya

Naiinis na ako, naiinip na

NGunit kailangan, marapat talaga

Tuparin mga binitiwang salita.

Sa tagal ng pagbabalik nya

Sinubukan kong ipagtanong kalagayan nya

Ako'y nagulat ng malaman sa iba

ANAK NG TILAPYA, NAG STOP OVER PALA!